Rikthehet Kryemadhi: Largimi i Ramës do të na jap oksigjen

Monika Kryemadhi i është rikthyer politikës pas ndërhyrjes kirurgjikale që kreu para disa ditësh, falë të cilës nuk ishte edhe në protestën e fundit të Opozitës. Duke folur nga një mbledhje e kryesisë së partisë së Lëvizja Socialiste për Integrim, Kryemadhi tha se hapi i parë, largimi i Ramës do t’i jap vendin frymëmarrje.

Sipas numrit dy të Opozitës, protesta duhet të jetë sa më masive ditën e nesërme për të provuar edhe një herë tjetër se Rama duhet larguar me  çdo kusht.

“Largimi i Edi Ramës do të thotë fund i tranzicionit në vend. Sot jemi përballë një rrënojë e cila është në grahmat e fundit dhe kërkon sadopak osksigjen. Nuk ka kompromis me një njeri që jo vetëm ka punuar për grupiin e tij të klientëve prej 5 vetash, por edhe po varfëron shqiptarët. Ai rriti taksat, koston e jetesës dhe rrogat i la aty ku ishte. Duke i krijuar shqiptarëve një siguri ekonomike. Më lejoni t’i bëj thirrje të gjhithë vajzave shqiptare që të jemi nesër në protestë. Kushdo nga ne që bën kompromis me të ardhmën e shqiptarëve nuk ëhstë vetëm tradhëtar”, tha Kryemadhi. Duke u ndalur te protesta e nesërme, kryetarja e LSI deklaroi: “Vetëm një protestë paqësore dhe në formën më të bukur do të jetë goditja më e rëndë për krimin e organizuar dhe për Edi Ramën”.