“Respekte, do pimë kafe?” Tërmet Peçi provokon protestuesit e opozitës

Kryeministri Rama është pritur me protesta ditën e sotme në Përmet teksa zhvillonte takimin për fushatën elektorale të zgjedhjeve të 30 qershorit.

Nga ana tjetër kryebashkiaku i Tepelenës Tërmet Peçi i cili e shoqëronte ka ndalur për disa momente për të folur me protestuesit e opozitës.

“Respekte, respekte, ej do e pimë kafen pastaj?” i është drejtuar Peçi edhe ish-deputetit demokrat Tritan Shehu ndërsa protestuesit vijonin me thirrjet “Rama Ik”.

Kujtojmë se kryeministri Rama gjatë fjalimit të tij në takimin elektoral u shpreh: “Shyqyr që ikën nga ura e Leklit se do ta kishte hedhur, se janë edhe shokë.  Ata bëjnë si të fortë, kërcënojnë dhe ulërasin se duan të trembin frikën e tyre, si te filmi ‘Beni ecën vetë’, si e ngre zërin kur kalon në pyll dhe këndon, bërtasin nga frika e tyre. Nga ajo frikë ata do të treten. Edhe ne kemi kusuret tona, por më të mirë se nuk ka“.