LIGJET E BIZNESIT
Trajneri i kombëtares Edi Reja ka folur për lojë të guximshme nga konferenca në prag të ndeshjes me Islandën. Trajneri kuqezi ka folur me pozitivitet për atmosferën në ekip, duke thënë se lojtarët janë munduar që t’i përthithin idetë e tij për mënyrën e lojës dhe skemën e re.
Për Rejan, ekipi duhet të zbresë me mesim në fushën e lojës dhe jo të presë vendasit. Sipas trajnerit 73-vjeçar, ekipi duhet të jetë i ekuilibruar dhe të luaj në grup në të gjitha sektorët, si në mbrojtje edhe në sulm.
“Kjo skuadër ka treguar se di ta interpretojë filozofinë e lojës sime dhe besoj se do të marrim rezultate. Duhet të kemi besim se skema e lojës funksionon. Do të doja që skuadra të ishte e organizuar, është një aspekt thelbësor për të pasur ekuilibër në fushë. Duhet pjesëmarrje e të gjithë lojtarëve në fushë, edhe mbrojtësit duhet të ndihmojnë në sulm. Mbi të gjitha, duhet të konkludojmë në sulm. Kur skuadra ka ekuilibër dhe është e organizuar mirë në lojë, krijon raste dhe shënon. Shpresojmë ta bëjmë këtë në Islandë. Filozofia është gjithmonë që të hysh në fushë dhe të luash, jo të rrish të mbrohesh. Islanda është një skuadër me lojtarë shtatlartë dhe do të synojë lojën në ajër. Duhet të kemi kujdes, por edhe ajo ka pikat e saj të dobëta. Dua që skuadra ime të hyjë në fushë i bindur për të marrë rezultat.”- tah Reja.
Trajneri Italian është ndalur edhe në ccështjen Grezda, duke thënë se ka qenë vendimi i futbollistit për t’u larguar nga grumbullimi i kombëtares.
“Nuk ka një çështje Grezda. Kemi pasur pikëpamje të ndryshme. Ai ka marrë këtë vendim personal dhe përgjegjësia është e tij. Nuk është për këto dy ndeshje, kështu mendoi. Janë probleme të tij, jo të mia apo të FSHF-së. Në të ardhmen situata mund të jetë ndryshe. Tani kemi ndeshjen dhe e gjithë vëmendja është aty. Janë gjëra që shkojnë në plan të dytë, sepse rëndësi ka ndeshja. Ndoshta nuk më njihni dhe mund të ketë keqkuptime.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
