Kryeministri Edi Rama ka bërë një panoramë të gjendjes së vendit në prag të protestës së nëntë të Opozitës për agjencinë amerikane të lajmeve, “Associated Press”. Edhe në këtë intervistë Rama thotë se qëllimi i opozitës është dëmtimi i rrugës të Shqipërisë drejt BE-së.
Më tej në intervistën e tij numri një i qeverisë shqiptare flet për dialogun me Opozitën, që sipas tij do të jetë pakushtëzuar vetëm pas votimit. “Është koha të dëgjojmë popullin”, thotë kryeministri.
Gjithashtu në këtë intervistën Rama ka theksuar se Opozita i druhet Reformës në drejtësi.
“Epoka e pandëshkueshmërisë do të përfundojë dhe ky është problemi për opozitën”, thekson kryeministri Edi Rama.
