Rama thumbon Berishën nga Tropoja: Jam në shtëpinë e atij që nuk dua t’ia them emrin…

Kryeministri Rama është në një takim elektoral në qytetin e Tropojës këtë pasdite në mbështetje të kandidatit socialist atje.

Rama duke folur nga mitingu në qytetin e Tropojës nuk i kurseu thumbimet për paraardhësin e tij, Sali Berisha.

Edi Rama tha se Sali Berisha nuk ia doli në qeverisjen e tij që as Valbonën ta mbronte nga masakra mjedisore.

“Jam krenar dhe më vjen shumë mirë që m’u dha mundësia të bëj sadopak për këtë vend. Kush ka trurin e vet, e sheh shumë qartë se çfarë është bërë në këto vite këtu. Do duhen edhe ca vite të kuptohet se ky qytet do jetë porta e një turizmi malor do sjellë shumë më tepër njerëz që këto bukuri të fjetura të kthehen në burim pasurie. Por duhet bërë shumë më tepër për qytetin për qytetin dhe fshatrat përreth. Unë jam në shtëpinë e tij dhe nuk do ja them as emrin por do ta them se u desh të vija unë që të minimizohej masakra në Valbonë. Arritëm ta minimizojmë maksimalisht atë dëm. Nuk ka për t;u ndërtuar asnjë lloj hidrocentrali tjetër. Rrugën e Valbonës e gjetëm rrugëve njësoj si të gjithë rrugët e tjera. më vjen shumë mirë që në programin e 5 yjeve kemi arritur të përfshijmë edhe Tropojën”, tha Rama.