Rama me helikopter nga Tropoja në Kukës, batuta me protestuesit

Në takimin elektoral në Kukës në Aeroportin e Kukësit, kryeministri Edi Rama ka mbërritur me helikopter.

Me qëllim të prezantojë kandidatin për kryetar bashkie për zgjedhjet e 30 qershorit, Safet Gjici është pritur me protesta të forta edhe në këtë qytet.

Nje grup prej rreth 50 militantësh të PD-së kanë thyer kordonin e policisë, duke u nisur drejt aeroportit të Kukësit, por forcat e shumta policore, ka arritur të ndalë hovin e tyre edhe pse tentativat e tyre kanë qenë të njëpasnjëshme.

Rama nga ana tjetër iu është përgjigjur me batuta protestuesve. Ndërë të tjera Rama ka folur edhe për aeroportin e Kukësit.

“Qeveria s’është godina, s’merret ashtu qeveria me protesta, por me anë të votës. Do të kenë mundësinë që të kthehen këtu direkt nga Londra, në këtë aeroport. Jo vetëm i Kukësit, por i të gjithëve. Shqipëria ka nevojë për një aeroport me çmime të ulëta, low-cost, ky do të jetë aeroporti i Kukësit”, tha Rama.