Rama jep lajmin e mirë për të prekurit nga tërmeti në Korçë (VIDEO)

Kryeministri Rama ka dhënë lajmin e mirë për të gjithë banorët e zonave të prekura nga tërmeti në Korçë.

Përmes një postimi në facebook, kreu i qeverisë bën me dije se të gjitha banesat e shembua nga lëkundjet sizmike do të rindërtohen.

Duke publikuar një video nga vizita e zëdhënëses së qeverisë, Elisa Spiropali në zonat e prekura, Rama thotë se procesi i dëmshpërblimin dhe rindërtimit të banesave do të nis fill pas përfundimit të procesit të inventarizimit të dëmeve.

“TE GJITHA BANESAT DO TE RINDERTOHEN – Dje, në Floq dhe Qafëzezë të Korçës, me banorët e prekur nga tërmeti që goditi këtë rajon, si dhe drejtues të institucioneve qendrore dhe lokale. Pas inventarit të dëmeve, nis shumë shpejt dëmshpërblimi dhe rindërtimi për të gjitha familjet e prekura nga kjo fatkeqësi natyrore!”, shkruan Rama.