Publikimi i përgjimeve të bisedave mes grupit të “avdylajve” dhe zyrtarëve të lartë lokal në Durrës dhe Shijak kanë trazuar politikën shqiptare. Në lidhje me këtë publikime ka ardhur edhe vetë reagimi i gazetarit gjerman që ka bërë këtë investigim.
Peter Tiede thotë se njerëzit e qeverisë po përpiqen përsëri ta bëjnë gënjeshtar njësoj si në artikullin e parë.
Me ironi Tiede i drejtohet edhe prokurorisë duke thënë: “Unë jam mirënjohës veçanërisht ndaj zyrës së Prokurorit të Përgjithshëm në Tiranë për konfirmimin e vërtetësisë së përgjimeve të kasetave të bëra sot publike”.
“Duke qenë se Shqipëria është përmbysur përsëri për shkak të një artikulli timin dhe ‘shpirtrat e këqij’ të qeverisë po përpiqen të më nxjerrin gënjeshtar, unë i jam veçanërisht mirënjohës Zyrës së Prokurorit të Përgjithshëm në Tiranë, e cila, konfirmon qartë vërtetësinë e përmbajtjes së regjistrimeve të përgjimit, të cilat i kemi bërë publike sot. Zyra në fjalë paralajmëron të bëhet kujdes në publikimin e përgjimeve (regjistrimeve audio), pasi bëhet fjalë për materiale nën hetim dhe të Prokurorisë” -shkruan mes të tjerash gazetari gjerman.
Postimi i plotë:
