Ditën e djeshme gazetari gjerman Pieter Tiede i prestigjiozes “BILD” ka nxjerrë përgjime të reja në lidhje me zgjedhjet e Dibrës.
Personazhi kryesor në këto përgjime është Imer Lala, i cili është përgjuar duke biseduar në telefon me ish-ministrin Damian Gjiknurin.
Gjiknuri drejtoi fushatën për zgjedhjet lokale në Dibër në 2016, ku kandidati i PS Muharem Rama fitoi ndaj Sherefedin Shehut të Partisë Demokratike.
Kujtojmë se Imer Lala ishte njeriu i Shpëtim Idrizit në Dibër, i angazhuar në këto zgjedhje pasi Partia Socialiste shmangu LSI dhe provoi të fitontë në një aleancë të ngushtë me PDIU, sic ndodhi.
E bija Reme Lala hyri në Parlament nën siglën e PDIU së Shpëtim Idrizit pikërisht nga Zona e Dibrës.
Kohë më vonë shpërthyen dhe akte dhune në ambientet e Bashkisë së Dibrës, pasi një i deleguar i mazhorancës nga Tirana, nisi të hiqte nga puna njerëzit e Shpëtim Idrizit që u sollën nga Imer Lala, i cili kishte përplasje me kryetarin e ri Muharrem Rama.
Prej asaj ngjarjeje, Rama e Idrizi u ftohën me njëri-tjetrin.
Reme Lala kaloi në nga PDIU te PS, ndërsa sot Idrizi është në krah Bashës në betejën për votën e lirë, pasi humbi Imer Lalën edhe si rrjedhim influencën elektorale në Dibër.
Tani presim që aleati i Lulzim Bashës, Shpëtim Idrizi të dalë e të denoncojë Imer Lalën për blerje votash.
Jo për gjë por ai është në aleancë me partitë që si mision kanë demokracinë dhe votën e lirë.
Gazeta Tema
