LIGJET E BIZNESIT
Në konferencën që lajmëroi pak minuta më parë, kreu i grupit të PS Taulant Balla ka bërë të ditur se Partia Socialiste ka depozituar kërkesën për të shkarkuar Presidentin e Republikës Ilir Meta.
Kërkesa vjen pasi Meta firmosi dekretin për të anuluar zgjedhjet vendore të 30 qershorit.
Gjithashtu Balla ka shtuar se mocioni për të shkarkuar presidentin u firmos nga 55 deputetë.
Balla shtoi se Presidenti po merr kompetenca më shumë nga sa i takojnë dhe në kundërshtim me ligjin, ndërsa shton se edhe në rastin ku ndryshon data e zgjedhjeve duhet caktuar një datë tjetër.
Sipas mazhorancës, Presidenti Meta është duke zgjatur mandatin katër vjeçar sipas parashikon kushtetuta, duke i mohuar sovranit zgjedhjen ne periodicitet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Sikur edhe një ditë më shumë përtej mandatit, ata kthehen në pushtetet autoritare pasi mandati u ka mbaruar. Ata kthehen në ushtrues pa tagra duke mos u ndjerë të lidhur nga sovrani. Është cënuar rëndë parimi i kushtetueshmërisë dhe ligjshmërisë. E drejta përbën bazën e veprimit të shtetit. Presidenti ka vepruar përtej këtyre parimeve.
Ai ka cënuar kushtetutën. Vendimmarrjet duhet t’i drejtohen vetëm kushtetutës. Kushtetuta është ligji më i lartë dhe deklarimi i epërsisë së saj përbën një aspekt thelbësor të së drejtës. Pra dhe ushtruar kompetencat vetëm në format kushtetuese. Vendimarrja e presidentit madje dhe parlamentit duhet të bëhet në përputhje me Kushtetutën. Kushtetuta i njeh Presidenti vetëm të drejtën e caktimit të datës së zgjedhjeve. Dekreti është në kundërshtim të hapur me ligjin duke cënuar parimin e ligjshmërisë. Referuar kompetencave në kodin zgjedhor”, u shpreh Balla gjatë fjalës së tij në konferencë.
