Kreu i Kuvendit Gramoz Ruçi ka firmosur sot kërkesën e kryetarit të grupit të PS Taulant Balla, duke i hapur kështu rrugën mocionit me debat për shkarkimin e presidentit Ilir Meta.
Ruçi e ka caktuar mocionin me debat si pikën e tretë të rendit të ditës, ku do të diskutohet për dekretin e Metës për anullimin e zgjedhjeve të 30 Qershorit.
‘Mocion me debat, kërkuar nga kryetari i Grupit Parlamentar te Partisë Socialiste ‘Mbi aktin e Presidentit te Republikës për shfuqizimin e dekretit nr. 10928, date 5.11.2018 ‘Për caktimin e datës se zgjedhjeve për organet e qeverisjes vendore’, thuhet në urdhrin e firmosur nga kryeparlametari.
