Prodhonte pije freskuese me etiketa falso, arrestohet pronari i punishtes

Policia e Shkodrës ka arrestuar pronarin e një punishteje që prodhonte pije freskuese në mënyrë të kundraligjshme, pasi punishtja ishte në sekuestro preventive prej dy vitesh.

Pronari i arrestuar është Xhavit Kasemi, 55 vje ç, banues në lagjen “ajasëm”, Shkodër.

Kasemi është një emër i njohur për autoritetet, pasi është arrestuar dhe më parë për të njëjtat vepra penale.

Arrestimi i tij u bë pasi gjatë kontrollit të ushtruar në punishten e tij e cila është e bllokuar që nga  viti 2017  ku është bërë sekuestro preventive , janë gjetur të prodhuara në mënyrë të kundraligjshme pije të ndryshme të cilat kishin etiketa të falsifikuara si dhe shirita etiketash të ndryshme.

Njoftimi i policisë:

Shkodër

Rifillon prodhimin e pijeve freskuese në punishten e cila ishte në sekuestro preventive prej dy vitesh, arrestohet në flagrancë  pronari i punishtes i dënuar më parë për të njëjtën veprimtari të kundraligjshme

Nga strukturat e Drejtorisë Vendore të Policisë Shkodër, u bë arrestimi në flagrancë i shtetasit Xh.K., 55 vjeç, banues në lagjen “Ajasëm”  Shkodër, i arrestuar dhe më parë për të njëjtat vepra penale.

Arrestimi i tij u bë pasi gjatë kontrollit të ushtruar në punishten e tij e cila është e bllokuar që nga  viti 2017  ku është bërë sekuestro preventive , janë gjetur të prodhuara në mënyrë të kundraligjshme pije të ndryshme të cilat kishin etiketa të falsifikuara si dhe shirita etiketash të ndryshme.

Materialet i kaluan  Prokurorisë së Rrethit Gjyqësor Shkodër për veprat penale ”Punësim i paligjshëm” , “Shkelje e të drejtave të pronësisë industriale”,  “Fshehje të ardhurave” dhe “Prodhim dhe shitja e ushqimeve dhe e lëndëve të tjera të rrezikshme për shëndetin”.