“Po financojnë rusët”, Balla tregon fundin e Bashës

Numri dy i Partisë Socialiste, Taulant Balla ka komentuar situatën politike në emision “5 pyetjet nga Babaramo”. Balla ka përsëritur akuzat e tij në lidhje me lidhjet ruse të Partisë Demokratike dhe me veçanërisht liderit të saj, Lulzim Basha.

Balla ka thënë ndër të tjera se fundi i Bashës do të jetë kur të përgjigjet ndaj hetimit që ka nisur në SHBA.

“Meqë e ke Lulin komshinj, dil e shih kur del Luli me çanta. Në cilin vend zbulohet që një parti që synon të vijë në pushtet, lideri i vet firmos vetë të bëjë një kontratë lobimi, paratë paguhen nga kompani që vijnë nga Rusia dhe kjo çështje hetohet sot, ka ardhur së fundmi edhe përgjigjet nga SHBA dhe Basha është person përgjegjës dhe kryetari i opozitës hetohet nga SHBA.”- tha ai.