Pjerin Ndreu kërcënon drejtorin: Thuaji mësuesve ta deklarojnë votën për PS, ose fluturoi…

Në përgjimet e BILD është kapur edhe ish-deputeti i PS, Pjerin Ndreu që aktualisht kandidon për bashkinë Lezhë.

Ndreu është kapur në një telefonatë me drejtorin e Arsimit në Dibër, Drini Gjeçi, ku i bën presion që të kontaktojë me një drejtor shkolle në Dibër për ta deklaruar hapur votën për PS. Pjerin Ndreu kërcënon se nëse nuk ndodh kështu mund ta nxjerrë në rrugë pa punë drejtorin e shkollës në Reç.

BISEDA E ZBARDHUR:

Pjerin Ndreu: Mirëmëngjes!

Drini Gjeçi: Mirëmëngjesi

Pjerin Ndreu: Pjerin Ndreu jam… Si je?

Drini Gjeçi: Po Pjerin, si ia kalove?

Pjerin Ndreu: A je mirë si ke qenë?

Drini Gjeçi: Mirë jam, mirë

Pjerin Ndreu: Bëji një telefon këtij Reshat Elezit, këti drejtorit të Reçit.

Drini Gjeçi: Reshatit?

Pjerin Ndreu: Po drejtorit të shkollës, I thuaj ta deklarojë votën hapur se ato sms-të që i çon poshtë e përpjetë nuk janë shumë të këndshme. Deklaroje votën hapur atje që e ke për PS-në ndryshe ditën e hënë tregoja ku fluturon

Drini Gjeçi: Reshat Elezaj?

Pjerin Ndreu: Po

Drini Gjeçi: Ok po flas unë tashi me të.

Pjerin Ndreu: Tregoi se ku fluturon të hënën. Të deklarojë votën për PS-në aty. Se po nuk votoi hapur për PS-në të gjejë vend e të futet!

Drini Gjeçi:: Ok pa merak se e rregulloj unë këtë punë!