Përmbysje fantastike, Kosova feston në mes të Bullgarisë

Edhe një herë tjetër, Kosova argëton me lojën e saj dhe krijon një shpresë për rezultate të mëdha. Pas disa ndeshjeve, ku mungonte fati dhe ai goli final që të çon te fitorja, mbrëmja e kësaj të hënë ka sjellë thyerjen e këtij “miti” për Kosovën. Rashica, Zhegrova, Muriqi dhe të tjerët besuan deri në fund dhe ia dolën që të marrin një fitore për në kornizë me Bullgarinë në shifrat 2-3.

Për ekipin e Shallndes shënuan, Rashica, Muriqi dhe Rashani, duke përmbysur Bullgarinë në shtëpinë e saj

Me këtë fitore Kosova shkon në kuotën e 5 pikëve, me një fitore dhe dy barazime dhe shikon shumë afër dy kryesuesit, Anglinë dhe Çekinë, me të cilët ende nuk ka luajtur asnjë prej ndeshjeve.