Gazeta gjermane “Bild” ka publikuar përgjimin e dytë nga “Dosja 339”, ku zhvillohet një bisedë mes deputetit të PS Artan Gaci dhe drejtorit të ministrisë së Brendshme, Arben Keshi.
Në bisedë dëgjohet Gaçi teksa i thotë Keshit se ka qëndruar me kryeministrin Edi Rama në një takim, dhe ky i fundit i ka shprehur vlerësimet maksimale për Keshin, pasi siç thotë ka kryer një punë të mirë gjatë zgjedhjeve në Maqellarë.
Biseda e plotë NR 2:
Arben Keshi: Po shef
Artan Gaci: He ca bere? Ca kemi ndonjë të re?
Keshi: Mirë si kalove ti?
Gaci: Mirë, isha në Ndroq me shefin e madh. Dhe me superlative për ty.
Keshi: Falemnderit.
Gaci: me superlativa. Jo nga ai nga ai. Unë po e po, po ai
Keshi: Falemnderit
Gaci: më tregoi historinë e 2011 dhe të gjitha. Dmth, I ke pikët maksimale
Keshi: Ishalla kthehen në realitet të mos ngelen aty, kanë kaluar 3 vjet…
Gaci: jo jo, bëhen. Kishte vlerësim të jashtëzakonshëm. Gjithë Maqellarën ta vente ty, ai është. E ka kopsit, e ka bërë aty komplet, gjithë gjërat. Edhe në 2011 fitoi tha, po ashtu ndodhën në një kuti
Keshi: Hajt mo, ca të bësh.
Gaci: E gjitha tha, është merita Benit, komplet tha.
Keshi: Rrofsh falemnderit
Gaci: Desha me ta thënë, që t’ashu…
Keshi: Rrofsh, rrofsh, falemnderit
Gaci: Hajt Ben falemnderit. Kur të vish në Tiranë, lidhemi ndonjëherë…
Keshi: po, po, po
