LIGJET E BIZNESIT
Pas përgjimeve të publikuara nga gazeta gjermane “Bild” në lidhje me implikimin e kryebashkiakut të Durrësit, Vangjush Dako në blerje votash, ka ardhur reagimi i kryeprokurores Arta Marku.
Në një reagim të bërë publik për mediet, Arta Marku thotë se “Prokurori i Përgjithshëm po ndjek çështjen me shumë vëmendje dhe u bën thirrje prokurorëve që kanë në hetim çështjet 339 dhe 184, si autoritetet e vetme në ushtrimin e ndjekjes penale për këto çështje, që të hetojnë dhe të zgjidhin pa humbur kohë këto çështje, duke vënë para përgjegjësisë penale këdo që ka konsumuar një vepër penale”.
Më tej, në reagimin e saj kryeprokurorja e përgjithshme e përkohshme thekson se “Prokurori i Përgjithshëm ndjehet i indinjuar që në radhët e prokurorisë akoma militojnë prokurorë apo punonjës të tjerë që janë gati që për interesa të vogla personale të bëjnë pazar me çdo dosje penale duke kontaminuar opinionin publik me informacione të pahetuara dhe të pa verifikuara nga ata vetë si autoritete përgjegjëse për hetimin dhe verifikimin e tyre”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
