Përgjimet, reagon Ndreu: I bie të digjet në turrën e druve e gjithë politika shqiptare

Pas skandalit të përgjimeve të publikuara nga gazeta gjermane, BLID kanë ardhur me radhë reagimet nga politika shqiptare. I radhës që reagon për këtë çështje është ish-deputeti dhe kandidati socialist për bashkinë e Shijakut, Pjerin Ndreu.

Përmes një postimi në rrjetet sociale, Ndreu thotë se përgjimet nuk tregojnë se blihet apo shitet vota në asnjë pjesë të tyre. Ai deklaron se prokurorët që kanë bërë përgjimin duhet të hetohen për moskryerje të detyrës.

Ndreu ka një tjetër version, pasi sipas tij duhet të hetohen prokurorët që kanë bërë këtë përgjim.

“Pergjimet nuk tregojne se shit-blehet vota askund. Kushdo me cfaredo statusi ka preferencat politike dhe mund ti shfaqe ne menyren e tij. Perdorimi i nje emri per te bere pis gjithe zgjedhjet eshte foshnjore. Se cfare aksesi kane tek disa persona te dyshimte e ne precedent penal te partite qe na bejne sikur jetojne me hene, e di e gjithe Shqipëria. Me kete logjike i bie te digjet ne turren e druve e gjithe politika shqiptare.  Prokuroret qe kane bere pergjimin me se paku duhet te hetohen per moskryerje te detyres sepse ligjerisht duhet te fillonin çështje penale e te faktonin me prova restet e jo mbanin ne syrtare si presion politik!, shkruan Ndreu.