LIGJET E BIZNESIT
Nëntoka e pasur e qytetit të Durrësit vijon të dhurojë surpriza shumë të bukura për të gjithë. Pas ndërtimeve të shumta të zbuluara në gërmimet e zhvilluara në këtë qytet, këtë herë është bërë një tjetër zbulim mbresëlënës. Bëhet fjalë për një statuetë prej mermeri që është zbuluar në Durrës nga një ekip arekologësh franko-shqiptar që po punon tek ‘Macellumi’ i qytetit.
Drejtuesit e projektit thonë se kemi të bëjmë me një gjetje mjaft interesante që vërteton edhe një herë pasurinë arkeologjike që fsheh nëntoka e Durrësit, shkruan Fast News Albania. Statueta besohet të jetë e shekullit të I-rë e erës sonë.
Ky zbulim është një tjetër dëshmi e fortë për pasurinë që Durrësi bart në nëntokën e tij, por edhe një kambanë alarmi për të ndalur masakrën që ndodh prej vitesh në këtë qytet me ndërtime pa kriter.
