Partia Socialiste ka nisur menjëherë procedurat për të shkarkuar presidentin e Republikës Ilir Meta.
Mësohet se PS ka nisur mbledhjen e firmave për të shkarkuar presidentin, pasi duhen 35 firma për të iniciuar kërkesën e shkarkimit të Metës.
Firmat e para janë mbledhur nga deputetet e PS në Komisionin e Ligjeve.
Meta sot ka firmosur shfuqizimin e dekretit nr. 10928, datë 05.11.2018 të Presidentit të Republikës “Për caktimin e datës së zgjedhjeve për organet e qeverisjes vendore” duke anuluar datën 30 qershor 2019, si ditë e zhvillimit të zgjedhjeve për organet e qeverisjes vendore në Republikën e Shqipërisë.
