Gazetari Arian Çani ka komentuar situatën politike në emisioni “provokacja” në Abc News.
Çani duke folur për gjendjen ku ndodhet vendi në këto javë, tha se nuk pret që të ketë zgjidhje, pasi një asnjë prej palëve nuk dëshiron që të dëgjojë.
Sipas Çanit Shqipëria nuk ka një sistem të pastër demokratik, por që mund të cilësohet hibrid.
“Nuk ka zgjidhje. Mendimi im është që nuk do ketë zgjidhje asnjëherë. Mirë është që ne që të paktën kemi një foltore, një mundësi nga një ekran i caktuar siç është Klan apo ABC-ja mirë është që aq sa mundemi, me aq sa na dëgjojnë ata që na kanë xhan, apo që na kanë inat, mos t’i bëjmë kot të ëndërrojmë. Nuk do ketë zgjidhje. Kjo nuk është pesimiste ta thuash. Sepse nuk jemi në një vend me demokraci të konsoliduar. Jemi në një vend hibrid. Në një vend që nuk është as diktaturë, por nuk është as demokraci.”- tha Arian Çani ndër të tjera
