Kryebashkiakja e Shkodrës, Voltana Ademi ishte në krye të protestës së Opozitës kundër takimit të kryeministrit Rama në këtë qytet.
Ademi ishte shumë e ashpër në fjalën e saj, duke thënë se nuk do të lejohen zgjedhje pa garë në 30 qershor.
Ademi u shpreh pak minuta më parë se shkodranët nuk do të lejojë uzurpimin e qytetit nga një kriminel si Edi Rama.
Sipas kryebashkiakes së Shkodrës në 1 korrik të gjithë ata që po protestojnë ose do jenë në burg ose do të largohet nga vendi.
“Ne kemi dalë për të protestuar, për të marshuar. Askush nuk mund t’i ndalojë qytetarët. Nuk mund të lejojmë bandat. Kërkojmë nga Niko Brahimaj të mos provokojë. Në datën 1 Korrik ose do jemi të gjithë në burg politik ose do marrim arratinë. Është emergjencë kombëtare. Kemi ardhur me duar të hapura. Ne kemi dalë për të thënë të vërtetën përmes zërit tanë. Ne jemi në emergjencë kombëtare. Edhe Enver Hoxhës ia ka kaluar kjo qeveri. Rama nuk mund të qëndrojë. Ju nuk mund t’i përdhunoni njerëzit e këtij qyteti. Na hodhën helm vetëm se kërkuam largimin e Ramës. Jemi kthyer me shpresën për të bërë Shqipërinë. Ose do jemi të gjithë në burg ose jashtë Shqipërie. Jemi këtu vetëm për të thënë të vërtetën. Nuk mund të lejojmë që një bandë kriminale të uzurpojë qytetin. Shkodra ka demonstrua të gjithë jetën e vetë që nuk mund të lejojë uzurpatorin dhe kriminelin e Edi Rama dhe të tjerë përpara tij. E drejta jonë për të protestuar dhe për të thirrur ‘Rama ik’, është e drejta jonë legjitime”, u shpreh kryebashkiakja demokrate.
