Paralajmërimi i fortë i ish-presidentit Moisiu: Do arrestohen zyrtarë të lartë

Ish-presidenti Alfred Moisiu ka qenë i ftuar ditën e sotmë në emisionin :Kjo javë” me drejtuese Nisida Tufën, ku dhe ka komentuar aktualitetin politik dhe mbi të gjitha krizën që po kalon vendi ynë.

Moisiu ka paralajmëruar se një parti politike do të shkërmoqet dhe sipas ish-presidentit më e rrezikuar është opozita.

Gjithashtu ai ka shtuar se do të ketë arrestime të zyrtarëve të lartë pasi kjo është mënyra e vetme që shqiptarët të mësojnë, nëpërmjet arrestimeve.

“Një forcë politike do neutralizohet përfundimisht, do shkërmoqet dhe do krijohet një forcë e re. Ky është një tërmet politik dhe ky do ketë pasoja në të dy krahët, por për opozitën do të ketë më shumë, sepse ata bënë një gabim me djegien e mandateve.

Te ne politika bën budallallëqe pa fund dhe s’ke asnjë të arrestuar, apo me burgim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Duhet të ketë ndëshkime, dhe padyshim që do të ketë, edhe arrestime të zyrtarëve të lartë. Ndryshe ne nuk mësojmë,”- u shpreh ish-Presidenti.