Pamje të rënda, polici i Bashkisë humb ndjenjat gjatë përplasjes në Kamëz

Një polic bashkie ka humbur ndjenjat në përplasjen e sotme në Kamëz ku mbështetës të opozitës kanë tentuar të hapin me forcë derën e KZAZ.

Policia e rendit ka përdorur një spraj më gaz lotsjellës për të larguar që andej mbështetësit e Partisë Demokratike.

Polici i Bashkisë ka humbur ndjenjat dhe është transportuar menjëherë për në spital.

Në vendngjarje kanë mbërritur forca të shumta policie.

Pas anulimit të dekretit për zgjedhjet vendore nga ana e presidentit Meta, në qytete të ndryshme të Shqipërisë ka pasur përplasje të shumta.