Një ditë pas protestës së 8-të të opozitës së bashkuar dhe vendimit të presidentit Meta për të shtyrë zgjedhjet, kryetari i PD Lulzim Basha ka një mesazh për të gjithë qytetarët.
Basha shkruan në Facebook se pas anulimit të zgjedhjeve beteja e tyre do të vazhdojë dhe ka vetëm një pengesë sipas tij: Sundimi i shtetit të bërë njësh me krimin.
Reagimi i Bashës:
Boll më me Shqipërinë që duan ata, tani është koha të luftojmë për Shqipërinë e të gjithë shqiptarëve!
Ora e Shqipërisë si e gjithë Europa po troket dhe nuk ka forcë ta ndalë! Falë vendosmërisë tuaj të pathyeshme, falë bashkimit të zemrave dhe mendjeve të shqiptarëve të lirë, zgjedhjet farsë të 30 Qershorit u anulluan!
Beteja jonë do të vazhdojë deri në triumfin e standarteve dhe vlerave europiane. Pengesa e vetme për në Europë është sundimi i shtetit të bërë njësh me krimin, është qeveria e ardhur me votën e krimit, është kryeministri i Avdylajve. Largimi i Ramës është i panegociueshëm.
