Ngjarje e dhimbshme, i zë dheu poshtë, vdesin dy vëllezërit shqiptarë

Një ngjarje e rëndë ka ndodhur ditën e djeshme në orën 11 të paradites në Çair të Maqedonisë, ku kanë humbur jetën dy vëllezër shqiptarë.

Mësohet se dy vëllezërit po punonin për hapjen e një kanali në rrugën “Kemal Sejfullai” përballë poliklinikës së Çairit dhe gjatë kohës që po bëheshin punimet është shembur dheu dhe i ka zënë poshtë.

Mediat vendase bëjnë me dije se viktimat janë dy vëllezërit Mensur Mustafa dhe Abdulkerim Kustafa, përkatësisht 26 dhe 28 vjeç.

Tragjedisë i ka shpëtuar dhe një person i tretë i moshës 54 vjeçare i cili është nxjerrë i gjallë me lëndime trupore, ndërkohë që trupat e dy viktimave janë nxjerrë pas disa orësh kërkime.

Kanali ka qenë i thellë rreth dy metra dhe në momentin e aksidentit tragjik babai ka qenë i pranishëm në vendngjarje duke tentuar të nxjerrë dy trupat e djemve të tij.