Nga nxitimi apo emocionet? Zbulohet gafa e gjyqtarëve të Kolegjit gjatë dhënies së vendimit për 30 qershorin

Kolegji Zgjedhor rrëzoi sot vendimin e Partisë Uniteti Kombëtar me kryetar Idajet Beqirin, i cili kërkoi të cregjistrohej nga zgjedhjet e 30 qershorit.

Kolegji zgjedhor me këtë vendim la në fuqi vendimin e KQZ-së që zgjedhjet të zhvillohen më 30 qershor, duke mos njohur dekretin e presidentit Meta që vendosi të anulonte datën e zgjedhjeve.

Por ajo që tërhoqi vëmendjen e të gjithëve sot gjatë dhënies së vendimit nga trupa gjykuese ishte data e dhënies së vendimit.

Me shumë mundësi bëhet fjalë për lapsus, pasi trupa gjykuese e Kolegjit Zgjedhor tha se vendimi nuk mund të ankimohet dhe se u mor sot më datë 26 qershor.

Ndërkohë që data e sotme është 24 qershor.

Vendimi u mor nga pesë anëtarët e trupit gjykues: Tomor Skreli, Ridvan Hado, Lindita Sinanaj, Artur Malaj dhe Shkëlqim Mustafa.