Ndryshime në Drejtorinë e Policisë Tiranë, emërohet shefi i ri i krimeve

Dita e sotme është shoqëruar me disa ndryshime në Drejtorinë e Policisë Tiranë.

Pas një viti nga emërimi i tij si shef i Komisariatit numër 2 në kryeqytet, Gilbert Hoxha është transferuar në Drejtorinë e Tiranës.

Tashmë ai do të mbajë detyrën si shef i krimeve në Drejtorinë e Policisë Tiranë.

Në vend të tij, si shef i Komisariatit numër 2 është emëruar Oltion Bistri, i cili ka qenë në sektorin e Forcave Shqiponja si dhe shef komisariati në Pogradec.