Menjëherë pas takimit me kreun e PD-së Lulzim Basha, presidenti Meta ka pritur në zyrën e tij nënkryetarin e LSI-së Petrit Vasilin, me të cilin do të diskutojë lidhur me krizën politike në vend.
Mesa duket kryetarja e LSI-së Monika Kryemadhi ka shmangur takimin me bashkëshortin e saj Ilir Meta duke dërguar në presidencë Petrit Vasilin.
Pas takimit me Bashën, Meta ka reaguar në lidhje me bisedën që zhvilloi me kryedemokratin në takimin që zgjati 20 minuta.
“Sot prita në një takim Kryetarin e Partisë Demokratike, z.Lulzim Basha për të diskutuar mbi krizën aktuale që po kalon vendi. Kërkohet përgjegjshmëri dhe sjellje europiane nga të gjithë.”, shkruajti presidenti në Facebook.
