Autori i krimit që tronditi dje Vlorën, Lavdosh Sula, e ka pranuar në polici vrasjen e bashkëshortes së tij.
Përpara grupit hetimor ai ka deklaruar se kishte probleme prej 5 vitesh me gruan e tij Laureta Sula, ku janë ndarë e janë pajtuar disa herë për hir të fëmijëve.
Sula ka thënë në polici se bashkëshortja e tradhëtonte dhe se përpara 10 ditësh ata kanë patur debate, ku gruaja e ka pranuar lidhjen me një person tjetër.
“E ndava, erdhi serish ne shpi. E kisha paralajmeruar te mos e perseriste me. U zume per telefonin, ajo me shau. Nuk mbajta me. E qellova pastaj vajta te lokali qe te lajmeronin policine. Isha i nxehur. Me tallnin njerezit, kishte 5 vjet e lidhur me dike nga fshati”, mësohet të jetë shprehur Lavdosh Sula.
Vrasja e 44-vjecares Laureta Sula u krye mesditën e djeshmë në banesën e ciftit në Babicë të Vlorës.
Ata ishin prindër të dy fëmijëve, ndërsa arsyeja që ka degraduar në këtë ngjarje të rëndë lidhet me tradhëtinë dhe xhelozinë, ku dyshohet se viktima kishte lidhje jashtëmartesore me kushëririn e burrit, të cilin vëllai i autorit kishte tentuar ta vriste disa ditë më parë.
Pas krimit Lavdosh Sula ka njoftuar policinë ku dhe është bërë menjëherë arrestimi i tij në flagrancë.
