Një ditë pasi kryetari i Partisë Demokratike Lulzim Basha deklaroi se pas 30 qershorit do të fillojë spiralja e rëniës së pushtetit të Ramës, ka ardhur dhe reagimi i studiuesit të njohur Aurel Plasari.
Nëpërmjet një statusi në rrjetet sociale Plasari shkruan me ironi se ky po që është një lajm lumturues.
‘Ja më në fund lajmi lumturues: Me 30 qershor filluaka…çfarë? do thoni ju. Filluaka spiralja e rënies së pushtetit të Ramës, dmth punë spiraleje e një rënieje nga ato që duke e shtyrë spira spira shkon edhe deri 2021 e pakta’, shkruan Aurel Plasari në postimin e tij.
Aurel Plasari është një nga zërat më të fortë të opozitës i cili ka mbrojtur edhe djegien e mandateve të deputetëve demokratë.
Por deklarata e tij e fundit kundrejt Bashës i ka habitur të gjithë, duke i dhënë kështu një “shuplakë” të fortë kryedemokratit.
