Mbytet një pushuese në plazhin e Vlorës, dyshohet për atak kardiak

Një grua është mbytur sot në orët e para të mëngjesit në plazhin e Vjetës në Vlorë.

Pushuesit i kanë dhënë ndihmën e parë 70-vjeçares të identifikuar si Shota Baci, mirëpo kjo nuk ka mjaftuar pasi pavarësisht ndihmës, ajo nuk ka mundur të mbjetojë.

Dyshimet e para janë se shkaku i mbytjes mund të ketë qenë ataku kardiak që ka pësuar e moshuara.

Në vendngjarje ka mbërritur policia dhe ambulanca ndërkohë që trupi i pajetë 70-vjeçares do t’i nënshtrohet ekspertizës mjeko-ligjore për të zbardhur shkakun e mbytjes.