Pandeli Majko, ministri për Diasporën i njohur si njeriu që gjykon me qetësi në Partinë Socialiste ka hedhur në tryezën e debatit politik një tjetër variant.
Sipas tij në një intervistë për ABC News, Gjykata Kushtetuese dhe është ajo që do të caktojë nëse ka të drejtë PD-ja apo PS-ja.
Sipas zyrtarit të lartë socialist pas Zotit, në Shqipëri mund të shprehet vetëm Gjykata Kushtetuese.
“Ne shumë shpejt do të kemi një Gjykatë Kushtetuese. Kjo gjykatë jam i bindur që do të ndajë shapin nga sheqeri, nëse ka të drejtë PD-ja apo PS-ja. Nëse Gjykatë thotë se PS-ja ka shkelur ligjin, ka shkelur dekretin, ka shkelur Kushtetutën ne do të shkojmë përsëri në zgjedhje lokale. Por zgjedhjet lokale do të ribëhen me vendim të Gjykatës Kushtetuese. Pas Zotit, në Shqipëri vjen Gjykatë Kushtetuese! Nëse kjo Gjykatë Kushtetuese do të marrë këtë vendim ne do të jemi të gatshëm të shkojmë në zgjedhje. Por sot ne askush nuk mund të na ndalojë dhe të na thotë se ju nuk do të shkoni në votime”.
