Në ditën e 1 qershorit që shënon festën botërore të fëmijëve, kryebashkiaku i Tiranës, Erion Veliaj nuk mund të mungonte. Siç e ka bërë traditë tashmë Veliaj edhe këtë 1 qershor me fëmijët në krah filloi fushatën dhe sulmoi kundërshtarët e tij politik.
Por jo çdo gjë shkoi sipas planeve të Veliajt. Ajo që prishi ditën e kryebashkiakut të Tiranës ishte “Aleanca për Teatrin”. Përmes një loje mos u nxeh që ekzaltoi fëmijët, Veliajt i ishte dhënë një mesazh i qartë.
“Unë jam Teatri Kombëtar. Ta dish ti ç’më më kanë parë sytë dhe ç’më kanë dëgjuar veshët. Nëse do të më rrëzosh, lojën nga e para ta fillosh. Nëse do të më restaurosh qëndro një herë të më ndihmosh.”- kështu shkruhej në numrin 100 të lojës “Mos u nxeh”.
Një lojë që për fëmijët nuk kishte ndonjë kuptim shumë të veçantë, ndërsa për kryetarin e Bashkisë Tiranë, Erion Veliaj ishte një mesazh i qartë.
