Sapo ka filluar protesta e 7-të kombëtare e Opozitës në Tiranë. Qytetarë nga e gjithë Shqipëria janë mbledhur në bulevardin “Dëshmorët e Kombit” para kryeministrisë për të kërkuar largimin e kryeministrit Edi Rama.
Partitë opozitare me në krye PD-në kërkojnë largimin e kryeministrit dhe ngritjen e një qeverie tranzitore që do e përgatisë vendin për zgjedhje të lira dhe të ndershme që do i hapin vendit rrugën e integrimit.
Për protestën është parashikuar që 1700 efektive policie të jenë në gatishmëri. Partia Demokratike ka kërkuar një marshim protestë nga ora 19:00 deri në mesnatë, ndërsa policia i ka kthyer shkresë se e lejon të protestojë vetëm para godinës së Kryeministrisë tek bulevardi “Dëshmoret e Kombit” dhe deri në orën 21:00.
