Kur u duk se kryebashkiaku i Durrësit ia doli që të diilte i larë nga historia e përgjimeve që publikuan para disa muajsh, nga Gjermania vjen një tjetë goditje e rëndë. Por ashtu si edhe herën e parë, duket se edhe përgjimet e gazetës gjermane “Blid” nuk e kanë frikësuar shumë qytetarin e parë të Durrësit.
Fundja edhe herën e parë Dako e kishte një justifikim pse komunikonte me këta persona me precedentë penalë. Në emisionin Opinion, në tetorin e vitit të shkuar ai pranon se nuk ka rëndësi se kë takon.
“Nuk ka person në qytetin e Durrësit që unë nuk kam takuar. Merre gjendjen civile tani, më nxirr një familje atje të të them ku banon, ku jeton, sa votues ka dhe për kë voton. Dhe jam njeriu që ia hap telefonin çdo lloj qytetari të Durrësit, mund të ma kalojë Edi Rama për SMS, por për të folur në telefon, s’ka bir k….. që të ma kalojë mua, me aq komunikim sa kam”
Për Dakon ka rëndësi shumë të madhe se në dallim nga të tjerët, ai i ka duart e pastra.
“Mua më njofin njerëzit, janë akullore, i shikon këto duar ti, janë akullore, i shikon këto duar, s’kanë prek këto, as drogë, as pistoletë, as lekë të pista. S’kam asnjë eskortë politike, jam tek pull vetëm me shoferin tim… Superman jam, po ta them në fushatë jam Superman.”- deklaronte Vangjush Dako, emisioni Opinion, tetor 2018.
Për këtë superfuqi të Dakos edhe kryeministri Rama nuk nguroi t’i dilte në krahë.
“Flasim për një kryetar bashkie që përmendet në një bisedë mes dy kriminelëve dhe vetë nuk ka asgjë ku të flitet, qoftë edhe për së largu, për blerje apo shitje. Nuk vihen njerëzit në kryq, me muhabete, me fjalime, me televizor, me portale.”- thoshte Rama në një dalje për mediet pak muaj më parë.
Rama në fillim e mbroi “supermenin” e tij në Durrës, ashtu siç bëri në fillim edhe me “superministrin e brendshëm”, Saimir Tahiri. Fati politik i këtij të fundit dihet tashmë edhe pse burgut i ka shpëtuar. Koha do të tregojë nëse edhe Dako do të shpëtojë si Tahiri, apo do të ketë një fat më të mirë, pasi më të keq vështirë se mund të ndodhë. Nga të tre “bijtë e nënave” që nuk kishte “bir ku*ve” që t’ua hidhte, njëri është kryeministër fuqiplotë, tjetri i dalë nga politika dhe treti ende nuk e di të saktë fatin e tij. /Fast News Albania
