Zbardhet axhenda e takimeve që do të zhvillojë kryeministri Edi Rama sot në Bruksel.
Bëhet me dije se në orën 17:00 Rama do të takohet me shefen e diplomacisë në BE, Federica Mogherini.
Në orën 18:50 shefi i qeverisë do të mbajë një takim me kreun e Këshillit Europian Donald Tusk, më pas në orën 19:30 do të takojë presidentin e KE, Jean Claude Juncker.
Vizita e Ramës në Bruksel zhvillohet në një kohë ku Shqipëria po kalon një krizë të thellë politike.
Dje presidenti Ilir Meta firmosi dekretin për anulimin e zgjedhjeve vendore të 30 qershorit, ndërsa mazhoranca menjëherë pas këtij vendimi nisi procedurat për shkarkimin e tij.
