Kokainë në bregdet, arrestohet 37-vjeçari

Është goditur një tjetër rast i shpërndarjes së drogave të forta në doza të vogla.

Policia bën me dije se ka sekuestruar  15 doza kokainë dhe një sasi parash të dyshuara si të përfituara nga shitja e lëndës narkotike në zonën e Dhërmiut.

Në bazë të informacioneve të marra në rrugë operative shtetasi me inicialet A.K 37 vjeç ishte pikasur si shpërndarës i lëndëve narkotike Kokainë në doza të vogla.

Gjatë kontrollit fizik, Policia i gjeti shtetasit A.K, 15 doza lëndë narkotike e dyshuar e kokainë, si dhe një sasie valute prej 385 eurove.