Kaos në mes të Tiranës, qytetarët ankohen, policia rrugore fle

Një nga problemet më të mëdha që haset në kryeqytet lidhet me qarkullimin rrugor.

Një denoncim i rradhës vjen për Fast News Albania, ku qytetarët e rrugës “Jordan Misja” ankohen për mjetet të cilat parkojnë në mënyrë të parregullt, duke bllokuar kështu qarkullimin e lirshëm të makinave në këtë rrugë.

Mjetet që bëjnë furnizimin e dyqaneve parkohen në të dyja krahët dhe kështu krijohet një trafik i cili bën të pamundur që qytetarët të lëvizin lirisht pasi edhe rrugica është tepër e ngushtë.

E ndërsa ky kaos krijohet përditë, nuk ka asnjë reagim nga Policia e Shtetit, e cila edhe pse është dëshmitare e kësaj problematike të përditshme, ka zgjedhur të heshtë dhe të mbetet indiferente karshi ankesave të banorëve.