Jozefina Topalli një zyrtaret më të larta të Partisë Demokratike në 8 vite në pushtet, duke qëndruar në krye të Kuvendit, ka dalë nga politika aktive në vitet e fundit. E rënë në heshtje, Topalli është larguar nga PD dhe ka treguar injorim për iniciativat e saj në këto 3 vite. Por në një ditë kur Mazhoranca e Partisë Socialiste është ngushtë, pas refuzimit për hapjen e negociatave, Topalli është bërë e “gjallë” në rrjetet sociale.
Me një postim në facebook, Topalli ka shkruar për ngjarjen e Shkodrës me një gjuhë dhe mënyrë që nuk është në traditën e saj. Topalli dënon ngjarjen e Shkodrës duke thënë se një sjellje e tillë nuk ka lidhje me këtë qytet dhe as me demokratët.
Por ky reagim i Jozefina Topalli nuk ndalet me kaq. Ish-kryetarja e Parlamentit thotë se PD nuk duhet t’i digjte mandatet, pasi sipas saj Rama nuk mund të largohet në këtë mënyrë.
Ky reagim i beftë i Topallit ka sjellë një habi në bazën e demokratëve shqiptarë dhe në këtë moment ngjan ‘si një rrjedhë uji që ajo çon në mullirin e tharë të Mazhorancës’.
Postimi i Jozefina Topallit:
Djegia e shkolles nuk eshte historia e Shkodres.
E kunderta eshte historia e ketij qyteti.
Kjo nuk ka ndodhur kurre ne 3 dekada.
Nje demokrat nuk djeg as mandate as shkolla. Nje demokrat i vertete nuk hedh as molotov as ka frike nga zgjedhjet.
Demokratet nuk kane patur frike ne ‘97 kur gjysma e territorit kontrollohej nga bandat.
Nuk largohet Rama duke refuzuar parimet e vlerat e democracise. Partia demokratike lindi si enderr e lirise dhe e te drejtes me votu.
Ai qe mendon se do pengoje te drejten e votes nuk eshte demokrat.
Shqiptaret duan paqe.
3 milion shqiptare nuk mund te mbeten gjate peng te 4-5 veteve.
