Një nga votuesit e parë që është paraqitur ditën e sotme është dhe këngëtari i njohur Sherif Merdani.
Edhe pse jo në gjendje të mirë shëndetësore, ai ka shkuar që në mëngjes në qendrën e votimit 18-30-1 në shkollën “Kushtrimi i Lirisë” për të ushtruar të drejtën e votës.
“Isha me paterica. Erion Veliaj më ngriti në këmbë . Sot duhet të votojë çdo njeri që e do këtë vend”, tha Merdani.
Sherif Merdani është këngëtar, i përndjekur dhe diplomat shqiptar nga Shqipëria. Njihet si këngëtar i madh shqiptar i muzikës së lehtë shqipe. Ka kënduar sidomos këngë të kompozuara nga Kastriot Gjini.
Pas Festivalit shumë të bukur të 11-të ai,si edhe disa kolegë të tij, përfundoi në burg. Bëri 16 vjet burgim. Në vitet ’90 ka punuar edhe si diplomat në ambasadën shqiptare në Romë.
