Ish-Ministër i Brendshëm, politikani Neritan Ceka, që në kohët e fundit ka bërë disa deklarata të forta, ka surprizuar edhe një herë tjetër. Ceka ka bërë një akuzë të fortë ndaj OSBE-së duke thënë se “është pjesë e aparatit kriminal të vjedhjes së votave” ndaj dhe duhet të kishte ikur me kohë nga Shqipëria.
I ftuar në emisionin “360 Gradë” në Tv Ora tha se edhe ndërkombëtarët janë këtu për interesat e tyre të vogla që nuk po ndihmojnë në zgjidhjen e krizës politike në vend.
“Kemi të gjithë ndërkombëtarët të aktivizuar, një pjesë e tyre i hedhin ujë zjarrit, nuk shohin që ka një dekret presidenti, që ka një vendim të paligjshëm të KQZ për vazhdimin e zgjedhje, por del përfaqësuesi, ai që quhet gjoja Ambasadori i OSBE-së dhe thotë “Mos pengoni zgjedhjet!’
Ore, si nuk ka pyetur, ky Komisioni Qendror i Zgjedhjeve, ka çuar ndonjë shkresë se si do të vazhdojë?! Nuk ka çuar…Po ti ke dekret të botuar dhe mungesën e një…po si mund të veprojë Policia?!
Ky nuk handikap! Kjo është pjesëmarrje në krim! Kjo është pjesëmarrje në krim dhe OSBE është bashkëpunëtore e ndërtimit të gjithë këtij aparati kriminal. E them edhe 100 herë. Nuk trembem fare se e kam thënë edhe kur isha kryetar i Kuvendit: Të ikë OSBE-ja një orë e më parë nga Shqipëria, është pjesë e aparatit kriminal të vjedhjes së votave, për interesat e tyre! Është pjesëmarrëse! Borchard është pjesëmarrës! Nuk merrem fare me emra!”- tha Ceka ndër të tjera.
