Igli Tare kërkohet nga gjigantët italian, i ofrojnë dyfishin e pagës

Igli Tare në vitet e fundit është konsideruar si një nga drejtorët sportiv më të mirë në Itali. Me Lacion ish-sulmuesi ia ka dalë që të ndërtojë një ekip të fortë që ka sjellë edhe trofe në shtëpinë e lacialëve.

Por kjo punë e mirë e Tares në kryeqytetin italian, nuk iu ka shpëtuar nga sytë edhe klubeve të tjera në Itali, që duan ta marrin atë në gjirin e tyre. Një nga klubet që ka paraqitur interesimin më të madh për Taren, është Milan.

Mediet në Itali shkruajnë se Tare mund të kalojë te Milani brenda këtij muaji. Shqiptari është një dëshirë e drejtorëve Gazidis dhe Maldini, të cilët janë të gatshëm t’i ofrojnë atij edhe dyfishin e pagës që merr aktualisht te Lacio.

Në ditët në vijim pritet të ketë edhe një takim mes Tares dhe Maldinit për të parë nëse mund të arrihet në ndonjë akord.