Gazetari shqiptar që jeton dhe punon në Britani, Arben Manaj ka reaguar shumë ashpër në lidhje me situatën politike në vend.
Nëpërmjet një postimi në rrjetet sociale, Manaj shprehet shumë kritik për atë që do të ndodh në 30 qershor, të cilën ai e quan çmenduri.
Manaj thekson se në bindjet e tij ai është i majtë, por nuk ka ndërmend të marrë pjesë në një proces që sipas tij është çmenduri.
“Ndërkombëtarët thonë menderosini zgjedhjet pa opozitë, afro 30 vjet pas rënies së komunizmit, zgjedhje që nuk i lejojnë në vendet e tyre, se pastaj kur të mbarojnë i zgjidhim hallet e politikës dhe demokracisë shqiptare!
No ëay! Si një njeri që ka afro gjysmën e jetës fizike në Londër nuk mund të pranoj zgjedhje farsë!
Edhe pse jam në Shqipëri: NUK VOTOJ!
Edhe pse jam i majtë nuk mundem të bëhem pjesë e një çmendurie alla-shqiptare!
Ora ime tregon 2019, jo 1979!”- shkruan Arben Manaj.
