Grabitet Kisha në Durrës, dalin pamjet ku hajduti vjedh paratë e besimtarëve

Një person ka grabitur kishën e Shën Dominikut në Durrës pak ditë më parë.

Grabitësi ka thyer arkën ku besimtarët hidhnin të holla dhe më pas ai ka marrë të gjitha paratë që ndodheshin aty brenda.

Pamjet e grabitjes janë publikuar në rrjetet sociale nga vetë kisha.

“Të vjedhesh është mëkat…akoma më shumë kur vjedh në Kishë!

Të Dielën, Festa e Rrëshajeve, një person ka vjedhur para në Kishën tonë. Janë lekë të popullit që përdoren për t’iu ardhur në ndihmë nevojtarëve dhe për punimet në Kishë. Le të bashkëpunojme me Policinë e shtetit duke identifikuar këtë person. Njëkohësisht lutemi për të dhe për bashkësinë tonë famullitare që të këtë gjithnjë e më shumë një ndërgjegje të pastër’, shkruan famullia.