Vijojnë të jenë të ashpra reagimet për deklaratën e presidentit të Presidentit të Komisionit Evropian, Jean Claude Juncker, që u shpreh se zgjedhjet duhet të bëhen në 30 qershor.
I radhës që lëshon disa deklarata të ashpra në drejtim të Junker është gazetari i njohur Ylli Rakipi në emisioni “Dritare” në News 24.
Rakipi deklaratën e Junker e komentoi si një deklaratë nga një person që flet nën avujt e alkoolit e është në fund të mandatit të tij, ndërsa për Ramën tha se është nga ata politikanë, i zoti të marrë qoka.
“Vizita e Ramës vjen në një ditë të keqe, bëhet për të marrë ndonjë benefit. Ndërsa Junker njihet që fjalitë i lëshon sipas avujve të alkoolit. Ai e ka mbaruar funksionin, pritet ta zëvendësojë dikush tjetër. Rama është në fund të krediteve të veta dhe kërkon të takojë këta pleqtë e Europës. Megjithatë mund të them se Rama është i zoti të marrë qoka”, tha Rakipi.
