Fushata elektorale mbyll Parlamentin, zbardhen porositë për deputetët

Këtë të enjte nuk do të zhvillohet seanca parlamentare për shkak të fushatës elektorale që nisi me 1 qershor.

Mësohet se deputetët e PS u është dhënë porosia që në komisionet që kanë detyra për te realizuar t’i përmbyllin gjatë kësaj jave.

Seancat e Kuvendit për këtë muaj do të mbahen vetëm në datat 13 dhe 20 qershor.

Në seancën e datës 13 qershor është thënë se nuk duhet të ketë asnjë mungesë pasi është shumë e rëndësishme.

Partia Socialiste ka hapur zyrtarisht fushatën për zgjedhjet vendore të 30 qershorit ndërsa opozita vazhdon bojkotin e parlamentit.

Dje u mbajt dhe protesta e shtatë kombëtare e opozitës së bashkuar kundër qeverisë Rama ndërsa nuk munguan tensionet dhe përplasjet e protestuesve me forcat e policisë.