Fitime deri në 180 mijë euro në muaj nga droga dhe prostitucioni, shkatërrohen dy bandat shqiptare në Itali

Policia Italiane ka shkatërruar dy banda shqiptare të cilat konsideroheshin rivale me njëra-tjetrën në trafikun e drogës dhe prostitucionit.

Në pranga janë vënë disa shtetas shqiptarë të cilët ishin anëtarë të dy bandave.

Sipas hetimeve të kryera rezulton se ata shfrytëzonin për prostitucion rreth 20 vajza nga Europa Lindore, të cilat ishin pa dokumentacion të rregullt qëndrimi.

Biznesi i paligjshëm kishte një fitim prej 180 mijë euro në muaj.

Dy grupet shqiptare prej kohësh ishin në rivalitet i cili ka degjeneruar në një konflikt me armë zjarri në 5 prill 2018.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia italiane ka kryer një sërë kontrollesh mëngjesin e sotëm në shumë shtëpi duke arrestuar disa prej anëtarëve të dy bandave.

Gjatë ditëve në vazhdim pritet të dalin shumë detaje për këtë operacion policor.