Një pjesë e qytetarëve të Korçës të cilët nuk kanë zgjedhur të votojnë ditën e sotme duke kundërshtuar votimin me një kandidat në pjesën më të madhe të vendit, kanë zgjedhur një mënyrë të veçantë për të ironizuar procesin e sotëm.
Me shami të kuqe në qafë, si dikur “pionerët” e Enver Hoxhës, ata kanë kënduar gjatë gjithë kohës këngë për ish-dikatorin e Shqipërisë.
Në një video publikuar nga ish-deputeti i Partisë Demokratie Ervin Salianji, ata shfaqen duke kënduar këngën “Enver Hoxha tungjatjeta”, ndërkohë që përshendesin herë pas here me dy gishta.
Nga ana tjetër edhe në njësinë 8 në Tiranë, qytetarët që nuk kanë qenë dakort me procesin e sotëm zgjedhor, kanë gjetur të njëjtën formë për të protestuar, ku kanë marshuar në rrugë me këngë për diktatorin Enver Hoxha, duke kujtuar kështu votimet e dikurshme moniste me vetëm një kandidat.
