LIGJET E BIZNESIT
Një ngjarje e rëndë ka ndodhur në Kamëz. Një 18 vjeçare ka plagosur me thikë kunatin e saj, vëllanë e burrit. Kjo pas një sherri në shtëpi. Nga të dhënat paraprake mësohet se kunati i vajzës së re kishte shkuar në shtëpinë e çiftit në gjendje të dehur dhe është konfliktuar me ta.
Mësohet se përpara policëve, 18-vjeçarja ka treguar se i kunati e ka kërcënuar me thikë se do e vrasë dhe në konflikt e sipër, ajo e ka qëlluar. Ai është transportuar në Spitalin e Traumës ku ndodhet jashtë rrezikut për jetën. Ndërsa policia ka proceduar në gjendje të lirë 17-vjeçaren, pasi është nënë e një foshnje.
“Shërbimet e policisë të Komisariatit nr.5, proceduan penalisht në gjendje të lirë një 18-vjeçare, pasi dyshohet se për motive të dobëta ka plagosur me mjet prerës kunatin e vet shtetasin A.M., 40 vjeç, banues në Tiranë, i cili ndodhet në spital jashtë rrezikut për jetën. Materialet i kaluan Prokurorisë së Rrethit Gjyqësor Tiranë për veprime të mëtejshme”, theksohet në njoftimin për shtyp të policisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
